لماذا لا يوجد مادة تسمى مادة الاجتهاد

الكثير منا لا يعرف غير الدراسة الاكاديمية للدين ولكن كيف اجتهد فى العلوم الاسلامية والمحاورة فيها بالدليل كيف اتوصل الى قضية واجتهد حتى اصل الى راى لا يخالف العقيدة الاسلامية ويكون راى صائب اظن ان البعض لا يعرف ما هى المعايير الثابتة للاجتهد كيف اجتهد وانا لا اعرف اول الخيط .

مش فاهم حضرتك تقصدى ايه ممكن توصحى اكتر استاذه ساره ؟

اقصد الاجتهاد فى العلم البحث فى قضية دينية زى المذاهب الاربعة كل مذهب كان صحابة تلميذ عند من يسبقه فتعلمو مفتاح الاجتهاد فاخرجو لنا مذاهب اربعة لكن احنا دلوقتى الدراسة اصبحت الكتاب فقط وده لا يكفى علشان نفهم دينا نصح وفى نفس الوقت احنا ماعندنش اساس صح نرتكز عليه علشان نبدء نجتهد لاننا مش عارفين نمشى فى اى طريق زى ما تتعلم تكتب بحث فى حد بيكتب بحث من غير ما يعرف ايه هى شروط البحث وازاى يكتب لزم حد يعرفك ازاى تكتب البحث احنا بردوا محتاجين نتعلم وندرس دراسة حرة فيها اجتهاد فى طرح القضايا واحنا نمشى فيها مع التوجية لاننا لسه جداد فى العلوم الاسلامية لغاية ما نفهم ونعرف ونقدر نكمل لوحدنا بس على علم ايه الصح وايه الغلط .
اتمنى ان تكون فكرتى وصلت لحضرتك وشكرا على اهتمامك بالموضوع

عندك حق وكلام مظبوط 100X100

انا مع اللاسف مختلفة معاكى لان فعلا الدراسة كتاب وبس فعلا ندرس اللى فى الكتاب لكن انك تدرسى بره الكتاب ده مفيش والجزء الخاص اننا معندناش حاجه نرتكز عليها وده فعلا احنا معندناش لاننا منعرفش دينا بطريقة صحيحة وكلنا منعرفش تفسير القران ونجهل اسرار القران والسنة والاخلاق احنا فى احتياج للشرح لان المعايير المجتمع اختلت والاخلاق اختلفت وما اقصده اننا نتعلم الاجتهاد بالتوجيه يعنى انتى لو حولتى ترسمى لوحة هتلقى حد يدرسلك معنى الرسم والطريقة ويرسم قدامك وبعدين ترسمى افرضى رسمتى غلط مين هيصحح ده مش يمكن رسمتى غلط يبقى لزم توجيه لغاية ما تبقى محترفة علشان ترسمى صح ومع اللاسف بسبب ان فى حاجات كتير بقت بتتنشر فى شكل كتب للدين يبقى لزم تعرفى تقرى ايه ومتقريش ايه علشان متقريش حاجه تلخبط الدين فى دماغك لاننا لسه بنتعلم على فكرة فى مادة اسمها مادة البحث فى الليسانس فى كليات كتير الدكتور بيطرح اكتر من موضوع والطالب بيجتهد فى انو يجيب معلومات ويطرحها ويعرضها على الدكتور علشان يعرف ايه الصح وايه الغلط وايه المناسب وايه الغير مناسب .
اما فكرة نغلط و احنا بنجتهد ده اكيد هيحصل كتير لكن مش هتعرفى انك غلط غير لما تتحورى مع حد محترف يقولك انك غلط مش هتعرفى لوحدك انك غلط علشان كده زمان كان فى شيوخ بتتبنا طلاب العلم فى كل النواحى الدينية
اشكرك على اهتمامك بالموضوع

جزاكي الله خيرا اخت رحاب وزادك من فضله صح لسانك ،وانار الله طريقك اخت سارة وسهل لنا ولكي طريق العلم